Transcription
1
Monseigneur, ce matin monsieur le procureur du roy et monsieur de St Marc
2
m’ont communiqué ladvertissement qu’on ha donné à deus personnes
3
d’honneur de ceste ville de certain pretendu dessainct qu’on dict les
4
rebelles de la novelle oppinion hont d’entrer en la Valoire ou en ce
5
bailhage et se saisir des chateaulx de Jarcieu et d’Anjou de
6
linstant que madame d’Anjou aura absenté le lieu, ce que lon cuide
7
advenir bien tost ; desquels cas jai ozé de linstant voz advertir et
8
mander coppies de deus lettres contenans lesdicts advis, lune desquelles
9
est dune grande dame habitant hors ceste province adressé au sieur
10
Loys Raimond, lung des consulz, lautre est de monsieur le prieur de St
11
Vallier adressé à monsieur l’enfermier de St Pierre. Nous avons mandé
12
ung homme de qualité pour scavoir la verité du despart de ladite
13
dame d’Anjou et sentir sil y a autres argumentz pour vallider
14telle novelle pour nous garder de surprinse. A quoy [barré : à ] votre
15
seignorie scaura trop mieus pourvoir. Et sur ce
16
monseigneur, je supplierai le Createur vous donner en très grande prosperité
17
longue vie . De Vienne, ce XXe fevrier 1574.
18
Vostre très humble serviteur
19
J. de Buffevant.